Lêzing Sigrid Kingma:
Sosjale media en freonskip:
Ferhalewedstriid foar jong skriuwtalint
Seis skriuwers oer har ynspiraasje
op wykein yn Riis
Lês mear »
Los sân
Los sânGreet Andringa
Friese Pers Boekerij, 2010
Liene by Tresoar
Liene by de iepenbiere bibleteek
Welmoed, in jonge froulike dokter, rint staazje yn in grut, modern sikehûs yn Egypte. Se woe wolris oer de râne fan Europa hinne sjen en syktegefallen behannelje dy’t yn Nederlân eins net mear foarkomme. En boppedat: ‘Wat kin my oerkomme? Ik ha in goed stel harsens, en ik rêd my goed yn it Ingelsk’.
Se bedarret midden yn de hektyk fan in drok Noard-Afrikaansk lân dêr’t de man-frouferhâldings dochs justjes oars binne as yn it memmelân. Egypte en alle ûnferwachtse dingen dy’t har oerkomme, konfrontearje Welmoed hyltyd mear mei de fraach wat se eins thús te sykjen hat, by har freon Evert, in jonge boer. Dit boek is it kadoboek foar de Moanne fan it Fryske Boek, dy’t yn septimber 2010 hâlden wurdt. It is dêrmei de opfolger fan de rige Boekewikegeskinken dy’t fan 1989 ôf alle jierren ferskynden.
Oaren oer dit boek
Sietse de Vries, LC 3 sept 2010, fraachpetear mei auteur diel 1, diel 2
Jetske Bilker, LC 3 sept 2010, besprek
Teake Oppewal, Moanne fan it Frysek Boek 2010 bloch
Wiep Koehoorn, bloch 22 juny 2011
Jou oan wat jo wurdearring is foar dit boek.
Oantal pompebledsjes: 1=min 2=’mwah’ 3=aardich 4=moai 5=klasse!
Jo kinne hjirûnder ek in reaksje jaan.
Reaksjes
Willem Bakker skreau op 07-09-2010 00:01:Reagearje
Moai boek! Mei nocht lêzen. De sfear en de tastannen yn Egypte binne goed troffen, neffens my. En ek it manljusfolk dêre. Se is bytiden wol nayf, dy Welmoed, mar goed, dat hat se sels dan wol wer yn ’e gaten.
Dat twadde stikje ‘Nul seis’ op side 7 dat yn 2010 spilet (yn fet ôfprinte) stroffele ik wol oer by it lêzen, mar letter wie ik it al wer fergetten. It komt pas teplak as je it boek út ha, yn kombinaasje mei it lêste stikje, ek fan 2010. Wie dat wol nedich eins? Wol de skriuwster de lêzer sa in ‘eind goed, al goed’-gefoel jaan? Hm…
Reagearje
Reagearje kin allinnich as jo ynlogd binne. Klik hjir om yn te loggen.
Literatuer foar it fuotljocht
Sosjale media en freonskip:
Ferhalewedstriid foar jong skriuwtalint
Seis skriuwers oer har ynspiraasje
op wykein yn Riis
Lês mear »