Jou dyn eigen oardiel

De bêste boeken fan 2009

Yn it krystnûmer de LC hiene in protte redakteuren in top-5 oer 2009 op har eigen terrein ûnder de titel ‘Gewoon goed’. Literêr kritikus Jetske Bilker kaam mei de neffens har fiif bêste Fryske proazawurken út 2009. Nei oanlieding dêrfan hat de redaksje fan Sirkwy in oantal lêzers fan Fryske literatuer frege nei har wurdearringen fan proaza fan 2009 útdrukt yn in oantal stjerren, mei dêrby in motivaasje yn ien sin of eventueel mear. It oantal te beoardieljen titels wie frij te kiezen. Har reaksjes sille de kommende wiken de ien nei de oar op Sirkwy ferskine, mei byhâlden fan de totaalskoare.

Om te begjinnen de list fan Jetske Bilker. Op fersyk fan Sirkwy hat sy har top-5 oanfolle mei in stjerkeswurdearring:

Under wetter              * * * * *

Ik, Anna                    * * * *

De frouwepenje          * * *

Potstro Fongers         * * *

Paadwizer                 * * *

Sirkwy hat noch net de mooglikheid foar lêzers om yn in ‘poll’ te stimmen. Wa’t ûnder namme reagearje wol en op deselde wize as boppe oanjûn is in wurdearring foar de boeken jaan, kin in email stjoere nei it kontaktadres. De bydrage sil yn de skoarelist ferwurke wurde. 

Foar it oersjoch is hjirnei de list byfoege mei alle orizjineel Frysktalich wurk dat yn 2009 by in útjouwer ferskynd is.

Feestlift : 4 bekroande ferhalen, 4 mystery skriuwers [Aggie van der Meer, Henk de Haan, Anders Rozendal, Greet Andringa], Boekewikegeskink 2009. Friese Pers Boekerij, Ljouwert.

Bottema, Sjoerd, It piipjen fan de proai. Ferhalebondel. Afûk, Ljouwert.

Bremer, Harke en Hoekstra, Jarich, De Frouwepenje. Bornmeer, De Gordyk.

Brolsma, Ulke, Werom nei Grou. Bornmeer, [De Gordyk].

Claus, Marga, Bollman & Bollman. Afûk, Ljouwert.

Dykstra, Lida, Ik, Anna : histoaryske roman. Afûk, Ljouwert.

Groot, Gjalt de, De jonge aaisiker fan Luctor et Emergo. Bornmeer, De Gordyk.

Hilarides, Hein Jaap, De skeakeling. Friese Pers Boekerij, Ljouwert.

Hooijenga, Hedzer T., Unrêst op Sumarreheide. KFFB, Aldehaske.

Klimstra, Jabik Jans, Sibbeltsje. Elikser, Ljouwert

Köster, Manuela, Tantalus, leafde en yntriizje yn Egypte. Elikser, Ljouwert.

Nagel, Rikky, Neeltsje. Elikser, Ljouwert.

Ploeg, Durk van der, In beferzen mar. Friese Pers Boekerij, Ljouwert.

Riemersma, Tr., De acht foar achten trein. Splitscreenroman. Venus, Frjentsjer.

Rozendal, Anders M., Hupsakee. Sechstich ferhalen. KFFB, Aldehaske.

Rozendal, Anders M., It kaartehûs. KFFB, Aldehaske.

Speerstra, Hylke, De kâlde krústocht. Bornmeer, De Gerdyk.

Tiemersma, Koos, Under wetter. Friese Pers Boekerij, Ljouwert.

Tjeerdsma, Rommert, Frij as de wyn. De Fryske Boekeklub KFFB, De Jouwer.

Tuma, Eelkje, Paadwizer. Rige Fryske modernen. Utjouwerij Fryslân, Ljouwert.

Vries, Sietse de, Potstro Fongers. Friese Pers Boekerij, Ljouwert.